Sopir Truk Mati Nang Gresik, Mergo Kenek Serangan Jantung Pas Nyetir
Gresik, Ja-Pos News Jowo SUROBOYOAN –Moch Chamim (51), sopir truk teko Desa Ceweng, Kecamatan Diwek, Kabupaten Jombang mati pas nyopir truk nang Gresik, Rabu (11/4/2018).
Dugaan, dheweke mati kenek serangan jantung.
Amarga kedadian iki, truk sing di sopiri ora bisa dikendhalekno sampek nabrak batese dalan.
Kedadeyan iku pas nang nggone wilayah Jl Kapten Dharmo Sugondo, Kecamatan Kebomas, Gresik pas Chamim nggowo truk sing isine minyak goreng.
Sampek nang perapatan PT Barata Indonesia dadakno truk iku mandheg jegrek, terus ban sing sisih tengen nabrak trotoar dalan.
Zen Al Idrus, Satpam PT Barata Indonesia nduwe inisiatif nekani truk lan nontok sopire.
Dheweke nontok sopire wes ora ono ambekane.
Sawise iku dheweke nglaporake menyang Petugas Polres Gresik.
Pas diperikso, nang kabin truk ditemokno obat sing jenise farsorbid yoiku obat jantung lan nyeri dada lan furosemide obat sing iso nyuda cairan sing disebabake gagal jantung.
Kanit Reskrim Polsek Kebomas, Iptu Nur Sugeng Ariputra ngandhakake yen sopir iki dianggep kenek serangan jantung.
“Iso ae lek sopir iki nduweni riwayat penyakit jantung,” jarene Sugeng. (Red)
